Dəri bədənin ən böyük orqanıdır və bədənin xarici səthini tamamilə əhatə edir. Xarici mühitlə daim təmasda olan dəri; Allergenlər, fiziki amillər, iqlim şəraiti, mikrob elementləri və bir çox digər ətraf mühit faktorları ilə qarşılıqlı təsir göstərir. Bu kimi amillər dərini bir çox xəstəliyə meylli edir ki, ölkəmizdə və dünyada ən çox rast gəlinən sağlamlıq problemlərindən biridir. Bölgəyə və yaranma səbəbinə görə bir çox fərqli növləri olan dəri xəstəliklərinin diaqnostikası, müalicəsi və tətbiqi xəstəxanaların dermatolji (dəri) bölmələri tərəfindən həyata keçirilir.
Dəri xəstəliklərinin əksəriyyətində görülən simptomlar bir-birinə bənzəyir. Buna görə də əksər hallarda, diaqnozun gecikməsi və yanlış müalicə üsulları kimi bəzi mənfiliklərə səbəb ola bilər. Dəri xəstəlikləri də bütün digər xəstəliklər kimi çox vacibdir və bu səbəbdən dəri xəstəliklərinə də bütün digər xəstəliklər kimi ciddi yanaşmaq, erkən diaqnoz və müalicə üçün lazımi tədbirlərin görülməsi vacibdir. Beləliklə, xəstəlik irəliləməmişdən əvvəl müalicə daha uğurlu tətbiq oluna bilər. Dəri xəstəlikləri çox vaxt ciddi nəticələrə səbəb olmadıqca diqqətdən kənarda qalır. Ən çox yayılan və yetişkinlərdə ümumi dəri xəstəliklərindən bəziləri qızartı, bəziləri qaşınma, bəziləri yanma və ya digər simptomlarla da özünü göstərir.
Həkim dermatoloq-kosmetoloq Kamalə Nəzərlinin qəbuluna yazılmaq üçün zəng edə və ya WhatsApp-a yaza bilərsiz.
Dəri Xəstəliklərinin Yaranma Səbəbləri Nələrdir?
Dəri xəstəliklərinin yaranma səbəbləri insandan insana dəyişiklik və fərqlilik göstərə bilsə də, ən çox bilinən və ən böyük səbəblərini aşağıdakı kimi sadalaya bilərik:
- dəridə və saç follikullarında mövcud olan bakteriyalar
- dəridə yaşayan göbələklər, parazitlər və ya mikrooqranizmlər
- viruslar
- zəif immunitet sistemi
- allergenlər, qıcıqlandırıcılar və ya yoluxmuş şəxsin dərisi ilə təmasda olmaq
- genetik faktorlar
- tiroid, immunitet sistemi, böyrəklər və ya digər bədən sistemlərinə təsir edən xəstəliklər
Yuxarıda qeyd olunanlara əlavə olaraq, nəzərinizə çatdırmaq istəyirik ki, dəri xəstəliklərinə bir çox başqa xəstəlik və qeyri-sağlam həyat tərzi də səbəb ola bilir. Həmçinin, bəzi dəri xəstəlikləri üçün də heç bir səbəb tapıla bilmir.
Ən Çox Yayılan Dəri Xəstəlikləri Hansılardır?
Ekzema: Kəpək, qızartı və qaşınma ilə özünü göstərən və təkrarlayan iltihablı dəri xəstəliyidir. Ən çox 20-50 yaş və daha yuxarı yaşlı insanlarda xüsusilə də, kişilərdə daha çox rast gəlinir və ən çox sebum istehsalının yüksək olduğu dəri sahələrini məsələn, baş dərisi, üz (qaşlar, burun kənarları, saqqal və qulaq arxası) və bədənin müxtəlif yerlərində əmələ gələ bilir.
Həkim dermatoloq-kosmetoloq Kamalə Nəzərlinin qəbuluna yazılmaq üçün zəng edə və ya WhatsApp-a yaza bilərsiz.
Akne: Sızanaqların ümumi adı olan akne, müəyyən dövrlərdə bir çox insanda sıx şəkildə görülsə də, bəzi insanlarda həyatları boyu müşahidə edilir. Sızanaqların əmələ gəlmısinə səbəb olan bir neçə amil var. Ümumiyyətlə, insanlarda müxtəlif səbəblərdən dəri altında yağ əmələ gəlməsinə cavabdeh olan vəzilərin və tük köklərinin tıxanması nəticəsində sızanaq əmələ gəlməsi müşahidə edilir.
Herpes və ya uçuq: Bədənin və immunitet sisteminin zəiflədiyi bir dövrdə herpes və ya xalq arasında bilinən adı ilə uçuq əmələ gələ bilir. Ağızda, dodaqlarda və diş ətlərində yaralar şəklində özünü göstərən herpes və ya uçuğun içərisi maye ilə doludur və ağrılıdır.
Göbələk infeksiyaları: Dəri xəstəliklərində böyük paya malik olan göbələk infeksiyaları müalicə edilmədikdə xəstəliyə səbəb olan infeksiyaların əlavə olunmasına səbəb ola bilir. Göbələk infeksiyalarının bir çox növləri mövcuddur və bunlardan ən çox rast gəlinənləri dırnaq göbələyi, qasıq göbələyi, bədən göbələyi və genital bölgə göbələyidir.
Rozesea (gül xəstəliyi): Ömürlük iltihablı dəri xəstəliyi olan Rozesea, müxtəlif ekoloji və endogen (daxili genetik və stresslə əlaqəli) amillər səbəbindən yaranır. Qadınlarda daha çox görülən xəstəliyin tipik başlanğıc yaşı 30-dan sonra olur. İncə damar strukturları və şişkinlik xəstələrdə görülən əsas problemdir. Bundan əlavə, bəzi xəstələrdə yanma, sancma, qaşınma və quruluqdan da şikayət ola bilir.
Həkim dermatoloq-kosmetoloq Kamalə Nəzərlinin qəbuluna yazılmaq üçün zəng edə və ya WhatsApp-a yaza bilərsiz.
