Onurğa ağrısı mexaniki bel ağrısı kimi də ifadə oluna bilər və onurğa ağrılarının əksəriyyəti hərəkətlə əlaqəli əzələ-skelet strukturlarının səbəb olduğu bel ağrısıdır. Disk aşınması, disk yırtığı, əzələ ağrısı, kanalın daralması, piriformis sindromu və onurğa oynaqlarında əhənglənmə bel ağrılarının səbəblərindəndir.
Suallaranızı bir başa Fəzail Həkim-ə yaza bilərsiz.
Onurğa ağrısı üçün evdə müalicə
1. Aktiv qalın
Ağrının baş verməsi üçün toxuma zədələnməsi baş verməməlidir. Bəzi hallarda yüngül əzələ spazmı ağrıları tətikləyir və insanın əvvəlki ağrı təcrübələri, hərəkət qorxusu, psixoloji vəziyyəti kimi faktorlar ağrının şiddətini artırır. Onurğa ağrısı olan insanlar tez-tez hərəkət etməməli olduqlarına və hərəkət etsələr, ağrılarının daha da güclənəcəyinə inanırlar. Halbuki bu, yanlış bir inancdır. Onurğa ağrıları səbəbiylə uzun müddət hərəkətsiz qalmaq onurğa əzələlərinizin zəifləməsinə və hərəkət qorxusunun aradan qalxmasına səbəb olur.
2. Məşq edin
Güclü onurğa və qarın əzələlərinə sahib olmaq onurğanızı dəstəkləyir və nəticədə bel və onurğa ağrılarınızı azaldır. Fizioterapevtinizin tövsiyələri istiqamətində edəcəyiniz gərmə və gücləndirmə hərəkətləri ilə onurğa ağrılarınızdan xilas ola bilərsiniz. Elastikliyi və əzələ gücünü artırmaq üçün yoga, pilates və tai-chi kimi fəaliyyətləri sınaya bilərsiniz və xüsusilə də, ağrılı dövrlərdə rəqabətli idman növlərindən (futbol, basketbol və qaçış) uzaq durmalısınız.
Suallaranızı bir başa Fəzail Həkim-ə yaza bilərsiz.
3. Duruşunuzu düzəldin
Güzgü qarşısında durun və duruşunuzu müşahidə edin. Özünüzə bu sualları verin:
- Belimdəki çuxur artıb və ya azalıb?
- Mənim belim əyilibmi?
- Çiyinlərim düzdür?
Belimizdə lordoz dediyimiz çuxur var və bu çuxur təbiidir və heç bir xəstəliyin əlaməti deyil. Lakin, bəzi insanlarda bu çuxur çox böyüyür (hiperlordoz) və ya düzləşir (belin düzləşməsi). Bu gözlə özünüzü yoxlayın və problem olduğunu düşünürsünüzsə, həkiminizlə və ya fizioterapevtinizlə əlaqə saxlayın.
4. İdeal çəkinizə çatın
Artıq çəki onurğa ağrısının əsas səbəblərindən biridir və ideal çəkinizə çatmaq üçün pəhriz və ya idman edin. Əgər köməyə ehtiyacınız varsa, dietoloqa müraciət edə bilərsiniz. Əlavə çəki itirmək onurğanızdakı yükü azaldır və onurğa ağrılarınızı aradan qaldırır.
5. Yuxu İstiqamətinizə diqqət yetirin
Onurğa ağrılarınızın səbəbindən asılı olaraq, arxa və ya üz üstə uzanmaq ağrılarınızı daha da artıra bilər. Bəzi yuxu istiqamətləri onurğa ağrınızı azaldır və ideal yuxu mövqeyi insandan insana dəyişir. Buna görə də, sizin üçün ən uyğun yuxu istiqamətini tapmaq üçün bir neçə cəhd lazım ola bilər.
Suallaranızı bir başa Fəzail Həkim-ə yaza bilərsiz.
6. Siqareti atın
Araşdırmalar nəticəsində məlum olmuşdur ki, onurğa sütununda olan disklər siqaret çəkən insanlarda daha çox degenerasiyaya uğrayır. Siqaret çəkənlər çəkməyənlərə nisbətən onurğa ağrısından daha çox əziyyət çəkirlər və siqaret vertebral sümükləri zəiflədir ki, disklərin qidalanmasına mənfi təsir göstərir. Onurğa sağlamlığımız üçün siqareti indi buraxın!
7. Soyuq və ya isti tətbiqlər edin
Onurğa ağrısı üçün isti və ya soyuq tətbiqlərdən istifadə etmək tez-tez müzakirə olunur. Onurğa bölgənizdə iltihab və şişkinlik varsa, soyuq tətbiq etmək həmin nahiyədəki şişkinliyi azaldır və sizi rahatladır. Əgər bel bölgənizdə əzələ spazmı varsa, istilik tətbiq etmək əzələlərinizi rahatlaşdıracaq və ağrılarınızı azaldacaqdır. Ağrının iltihabından və ya əzələ spazmından qaynaqlandığınızı özünüz deyə bilməyəcəksiniz. Bu halda, hər iki tətbiqi sınayın. İsti və ya soyuq tətbiqlərdən biri sizi rahatlaşdıracaqdır və sizə uyğun olan tətbiqi tapdıqdan sonra gün ərzində 2-3 dəfə 10-15 dəqiqə aralığında tətbiq edə bilərsiniz.
