Həyatın hər anında meydana gələ bilən bel ağrısı, gündəlik vərdişlərə və hərəkətliliyə məhdudlaşdırıcı təsirləri ilə həyat keyfiyyətinə mənfi təsir edir. Bel ağrısı tez-tez disk yırtığı kimi şərh edilir və əməliyyatdan qorxu səbəbi ilə erkən diaqnoz və müalicə variantlarına əhəmiyyət verilmir. Bununla belə, bütün ağrılar disk yırtığına işarə etmir və bu, vacib bir xəstəliyin əlaməti kimi də özünü biruzə verə bilir.
Bel ağrıları gənc yaşlarda disk yırtığı, irəli yaşlarda isə onurğa sütununun kalsifikasiyasına bağlı problemlər “spondiloz” şəklində özünü göstərir. Kanal darlığına bağlı bel ağrılarında ayaqlarda uyuşma və yerimə məsafəsinin azalması problemləri də yaranır. Xəstələr şiddətli ağrı və bəzən güc itkisi ilə həkimə müraciət edirlər. Bel ağrılarının əhəmiyyətli səbəblərindən biri də revmatik xəstəliklərdir. Bunlardan ən çox yayılanı “ankilozan spondilit” adlanır.
Bel Ağrısının 7 Mühüm Səbəbi!
Gündəlik həyat vərdişləri bel ağrılarını hərəkətə gətirən mühüm faktorlardandır. Ağrıların əksəriyyəti fiziki mənşəlidir və bu, onurğa sütununu təşkil edən strukturların həddindən artıq istifadəsi, gərginliyi və deformasiyası nəticəsində yaranır. Ayağa qalxmağı və oturmağı çətinləşdirən, hərəkətləri məhdudlaşdıran bel ağrısı adətən disk yırtığını göstərir. Ancaq ağrının şiddəti və yeri insandan insana dəyişir. Buna görə də, ağrı tək başına disk yırtığının diaqnozu üçün kafi meyar deyil. Aşağı bel ağrısı ən çox aşağıdakı səbəblərə görə müşahidə olunur:
- Ağır yüklərin qaldırılması, təsadüfi travma və xüsusilə çətin hərəkətlər fəqərələrin quruluşuna zərərli təsir göstərir. Quruluşun pişləşməsi ilə onurğalar arasındakı disk çıxır və yırtıq disk meydana gətirir. Onurğa quruluşunun pozulması da bel sürüşməsinə və ağrıya səbəb olur.
- Oturaq həyat tərzi və artıq çəki bel ağrılarının səbəblərindəndir. Hərəkətsizlikdən zəifləmiş bel əzələləri və artıq çəkinin ağır yükü bel ağrılarına səbəb olur.
- Həddindən artıq stress insan orqanizminə hər cəhətdən mənfi təsir göstərən mühüm faktordur. Bel ağrısına daha çox stress dərəcəsi yüksək olan peşə qruplarında olan insanlarda rast gəlinir.
- Yanlış çarpayı seçimi də bel ağrılarına yol açır. Erqonomik olmayan ofis kresloları və iş sahələri səbəbindən bel ağrısı xroniki hala gələ bilər.
- Oynaqlarda uzun müddətli aınma zamanla kalsifikasiyaya çevrilir. Yaşlanma səbəbiylə meydana gələn kalsifikasiya da bel ağrılarının səbəblərindən biridir.
- Siqaretin də bel ağrısına səbəb olduğu sübut edilmişdir.
- Bel ağrısı daha çox müəyyən peşə qruplarına aid insanlarda müşahidə olunur. Onların arasında: uzun məsafəli sürücülər, vibrasiya alətlərindən istifadə edənlər (asfalt və ya beton qıran), ağır yük qaldıranlar və uzun müddət masa arxasında əyləşən insanlar yer almaqdadır.
Müalicəyə Çox Yönlü Yanaşma
Bel ağrısının müalicəsində adətən çoxşaxəli yanaşma tətbiq edilir. Müalicə planı ətraflı müayinə və testlərlə başlayır. Fiziki bel ağrılarında; dərman, istirahət və fiziki müalicə üsulları ilə yanaşı, bel əzələlərini gücləndirən idman məşqləri və həyat tərzində dəyişikliklər də təsirlidir. Fiziki bel ağrısı olan xəstələrin çox kiçik bir hissəsi, məsələn, ayaqlarda həssaslıq itkisi inkişaf etdirənlər, təcili cərrahi müdaxilə tələb edə bilər. Revmatik bel ağrılarında xəstə müntəzəm olaraq nəzarətdə və təqibdə olmalıdır. Son illərdə istifadə edilən revmatizm əleyhinə dərmanlarla müalicənin uğurları artmaqdadır.
